• Македонија
  • Услови за користење
  • Импресум

ЗАПОЧНУВА ИСПЛАТАТА НА ПЕНЗИИТЕ – утре исплата на пензии до 11.000 ден.

И овој месец банките предвремено ќе ја извршат исплатата на августовските пензии, информираа од Македонската банкарска асоцијација.

Сите пензионери кои поседуваат дебитни картички, во среда, 26 август 2020 година, преку банкоматите и во трговската мрежа ќе располагаат со својата пензија, а готовинската исплата ќе се спроведе во групи на 26, 27и 31 август и на 1 септември.

Готовинската исплата на пензиите, за оние пензионери коишто не поседуваат дебитни картички, ќе се спроведе во групи, според следниот распоред:

– во среда, 26 август – пензии во висина до 11.000 денари;

– во четврток, 27 август – пензии во висина од 11.001 денари до 14.000 денари;

– во понеделник, 31 август – пензии во висина од 14.001 денари до 18.000 денари;

– во вторник, 1 септември – пензии во висина над 18.000 денари.

Од МБА наведуваат дека овој распоред важи и за корисниците на пензии од „Еуростандард банка“ АД Скопје кои до 21 август 2020 година отвориле трансакциска сметка во друга банка преку која што сакаат во иднина да им се врши исплата на пензијата.

Ккорисниците на пензии кои од „Еуростандард Банка“ АД Скопје ќе се префрлат во друга банка по 21 август, банките обезбедуваат дополнителни исплати на 7, 14 и 25 септември 2020 година.

Потсетуваат дека корисниците на банкарски услуги при посета на филијалите и експозитурите треба да носат лична заштитна опрема и да одржуваат соодветна дистанца.

 

 


Преземањето содржини и фотографии од порталот RadovisNews.mk значи дека давате согласност на нaведените Услови за користење

 

Related Articles

Временска прогноза