• Македонија
  • Услови за користење
  • Импресум

ПРЕКУ 2000 МАКЕДOНСКИ ГРАЃАНИ СЕ ВРАТЕНИ ВО ЗЕМЈАВА

2.207 македонски државјани се вратени во земјава заклучно со 4 април, покажуваат податоците на Министерството за надворешни работи кое го организира враќањето на наши граѓани затекнати во странство.

МНР во соработка со странски претствништва кај нас, репатрираше и над 600 странски државјани меѓу кои и на Австрија, Австралија, САД, Франција, Хрватска, Црна Гора и Косово.

По избувнувањето на пандемијата со коронавирусот сите гранични премини на земјава беа затворени на 16 март,  а на 18 март беше затворен и Меѓународниот аеродром Скопје. По враќањето во земјава сите патници се упатуваат во државен карантин.

Со досега реализираните чартер – летови од Ла Валета, Загреб, Љубљана, Виена, Базел, Минхен, како и по два лета од Берлин и од Келн/Бон во земјата се вратиле 1.445 наши државјани. Преку три хуманитарни конвои со автобуси и автомобили од Црна Гора, Турција и Словенија обезбедено е враќање на 150 наши државјани. Со посредство на Австрија и Португалија во земјава се вратени и 11 македонски државјани од Перу.

Како што објави МНР на фејсбук профилот, од 22 март до 4 април на Глобалниот контакт центар за конзуларни услугу во итни ситуации на Министерството се пријавиле 5.228 македонски граѓани од целиот свет кои сакаат со авион да се вратат во земјавата. Од нив 2.890 се согласиле да бидат сместени во државен карантин. Најголем дел од повиците – 93 проценти или 4.861 доаѓаат од Европа, а 272 повика се регистрирани од континентите вон Европа.

 

Благодарност до луѓето во кризниот тим на МНР и сите други институции со кои соработуваме да си ги вратиме граѓаните…

Gepostet von Никола Димитров – Nikola Dimitrov am Samstag, 4. April 2020

 



Related Articles

Временска прогноза