Во петокот во спортската сала „25 Мај“ се одржа завршната приредба на детската градинка „Ацо Караманов“ од Радовиш.
Приредбата која беше под мотото „ЗАЕДНО РАСТЕМЕ И ДРУГАРУВАМЕ“ беше празник за очи и душа. И покрај лошите временски услови, сепак дечињата со нивните воспитувачки и негувателки под раководство на директорката Љупка Тренчева приредија вистински настан за паметење. Спортската сала беше исполнета до последното место, и сите имаа можност да уживаат во кореографијата и прекрасните костуми на сите дечиња кои учествуваа.
