• Услови за користење
  • Импресум

ЛЕТНОТО СМЕТАЊЕ НА ВРЕМЕТО ЗАПОЧНУВА ОВОЈ ВИКЕНД

Летното сметање на времето започнува од викендот што доаѓа.

Во последниот викенд месецов, ноќта во 2 часот меѓу 28 и 29-ти март почнува летното сметање на времето.

Летно сметање на времето или летно време — договорено правило за пометување на часовниците така што попладнето да има повеќе дневна светлина, а за сметка на тоа утрата да бидат пократки. Вообичаено е часовниците да се поместуваат еден час нанапред на пролет, а да се враќаат еден час наназад на есен.

Овој систем е предложен во 1905 г. од Вилијам Вилет, а првпат бил широко применет во 1916 г. како военовременска мерка насочена кон заштеда на јаглен. И покрај несогласувањата, многу земји го користат овој систем.

Денес во Европа е прифатена конвенцијата летното сметање на времето да започнува во последната недела од март, а да завршува во последната недела на октомври.
Во САД летното сметање започнува во втората недела на март, а завршува во првата недела на ноември. На јужната полутопка почетокот на летното време е обратен од северната.


Со 384 гласа „за“ пратениците во Европскиот парламент изгласаа укинување на летното и зимско сметање на времето, додека против укинување гласаа 154 европски пратеници.

Барањето за укинување на поместувањето на стрелките на часовниците го покрена Европската комисија во Унијата поради повеќе докази за негативно влијание од праксата. Освен негативно влијание врз човековиот биоритам, ваквата пракса доведува и до зголемен број сообраќајни несреќи, но и пад на продуктивноста на работното место – но дали е ова последно поместување на стрелките ?

Летното и зимското сметање претходно е укинато во Русија, Турција, Белорусија и Исланд.

 




 

Related Articles

Временска прогноза