• Македонија
  • Услови за користење
  • Импресум

ФИЛМСКИОТ СЕКТОР И ТВ ИНДУСТРИЈАТА БАРА ИТНИ МЕРКИ ЗА ПОМОШ

Здружението на компании за организација, реализација и поддршка на настани, Тв и филмски продукции во вчера одржи прес конференција во врска со предложените економски мерки за справување со кризата од страна на Владата.

Пресот се одржа пред Фонтаната во градски парк и на истата беа почитувани сите препорачани и усвоени мерки за дистанца и лична заштита. 

Напоменуваме дека нашата индустрија е целосно и сериозно загрозена од кризата без можност за остварување на било каков промет и е првата која што беше на удар, уште од 28 февруари, кога беше донесена одлука за откажување на сите јавни собири. Со ова е загрозена целата креативна индустрија во државава која вклучува голем број на останати сектори и поединци.

Нашата гранка беше првата што престана да работи на 28 февруари кога се донесе забрана за одржување на јавни собири. Со тоа ние останавме без можност за било какви приходи. Ние немаме можност за онлајн или шалтерска продажба, а нашите компании во моментов се под клуч со промет од 0 денари.
Без намера да ја игнорираме тежината на последиците со кои се соочуваат другите гранки и индустрии, ние сме едни од ретките сектори кај кои бизнисот им беше целосно прекинат преку ноќ. Нашиот бизнис практично не постои сè додека постои уредба за забрана за јавни собири, а исто така забележуваме дека откако ќе заврши пандемијата, ќе биде потребно уште некое време пред да се дозволат јавните собири, додека, на пример, веднаш по завршувањето на кризата тоа нема да важи за превозниците, за угостителите или пак трговијата. Сакаме уште еднаш да истакнеме, дека нашата професија беше една од прво засегнатите уште кон крајот на февруари, а ќе и треба најдолго време да се врати во нормалниот работен тек.

Затоа бараме од Владата итни и системски мерки со кои би ни се помогнало во надминување на овој тежок период. Освен веќе предложените мерки,
1. Бараме исплата на БРУТО плата за целиот период на траење пандемијата,
односно се до укинувањето на забраната за одржување на јавни собири и
2. Бараме исплатата на БРУТО плата да почне да важи од месец март бидејќи ние
како компании сме затворени уште во февруари.

Доколку не ни биде понудена соодветна поддршка и не бидат прифатени нашите барања и тоа во најкраток можен рок, ќе бидеме приморани да ги отпуштиме нашите вработени и да ги затвориме компаниите. Освен нашите редовно вработени, засегнати се и голем број на други сектори, индустрии и физички лица од различни профили – актери, музичари, водители, фотографи, сликари, дизајнери, костимографи, сценографи, светло мајстори, како и кастинг агенции, печатници, кетеринг служби, агенции за обезбедување, програмери, техничари, енергетичари, превозници, бравари, столари, и многу други.

Здружение на компании за организација, реализација и поддршка на настани,
Тв и филмски продукции

 

 

 



Related Articles

Временска прогноза