МОДРА СЛИВА -Најздравото овошје

Прекрасно вкусните и сочни сливи, ботанички припаѓаат во фамилијата rosaeae. Плодот со јатка припаѓа во родот Prunus, во кој исто така спаѓаат и: праски, нектарини, бадеми и модрите сливи.

Научното име на сливата е Prunus domestica.

Растението најдорбо може да се опише како мало дрво или голема грмушка. Се одгледува на многу места во Европа, САД, Кина и Јапонија. Различните сорти кои се одгледуваат насекаде низ светот варираат значително според бојата, големината и карактеристиките на растење. Вообичаено, секоја слива раѓа огромен број плодови, речиси еднакви според големината, во периодот помеѓу мај и септември.

Секој плод има големина колку средно голем домат, со дијаметар од 5 до 6 сантиметри и тежина од приближно 70 грама. Има вдлабнатина во средината, од страна на дршката. Внатре, пулпата е сочна и според сортата, варира во бојата од: кремасто жолта, црвена, светло сина, па сè до свело зелена.

Во средината има една, мазна и тврда семка. Семките не се јадат.

Сливата има благо-киселкаста пулпа со пријатна арома. Најпознатите сорти на сливата се: црвена слива, модра слива и црна слива.

Познати се како природен мултивитамин, но многумина од нас немаат навика да ги јадат редовно. Сепак, толку се здрави, што можеби ќе го промените мислењето кога ќе прочитате што можат да направат за вашиот организам само пет сливи дневно.

Кога ќе помислите на сливи, веројатно прво што ви паѓа на памет е мармалад или домашен џем од сливи кој на уникатен начин ја краси секоја палачинка.Сепак, додека не почнете со подготовки на зимницата, важно е да го знаете податокот дека само една свежа слива содржи дури осум милиграми витамин Ц на 100 грама. Покрај витамините, сливите се богати со железо, магнезиум, калциум и бакар.

Само 12 сливи дневно можат да го подобрат вашето здравје. Тоа би значело дека во текот на сезоната, ако секој ден за ужина го јадете ова вкусно овошје ќе го намалите ризикот од заболување од рак на дебелото црево.

Кога ќе помине сезоната на свежи сливи, во вашето мени задолжително ставете ги сувите сливи. Со конзумација на 12 сливи во денот, можете да го регулирате и холестеролот, да ја зголемите густината на коските и да го зајакнете својот имунолошки систем.

Една свежа слива во просек содржи 113 мг калиум. Овој минерал помага при контрола на висок крвен притисок, а со тоа го намалува ризикот од мозочен удар, а ова летно овошје е познато и по своите благодети по дигестивниот тракт и забрзување на метаболизмот.


Преземањето содржини и фотографии од порталот RadovisNews.mk значи дека давате согласност на нaведените Услови


 

 

 

 


 

 

 

 

 

 

Related Articles

Временска прогноза