ПОДДРШКА ЗА САМОВРАБОТУВАЊЕ -Јавен повик од Агенцијата за вработување

Агенцијата за вработување објави јавни повици за следните активни мерки за вработување:

ПОДДРШКА ЗА САМОВРАБОТУВАЊЕ (ПРЕТПРИЕМНИШТВО) СУБВЕНЦИОНИРАЊЕ НА ПЛАТИ ПРАКТИКАНТСТВО

Заинтересираните невработени лица и работодавачи можат да се пријават за учество во некоја од објавените мерки, се до исполнување на предвидениот број на учесници. Подетални информации за учество во активните мерки за вработување имате на следниот ЛИНК. 

 

Условите под кои може да се добијат кредитните средства се следните:

– Невработеното лице може да добие кредит од најмалку 5.000 евра до најмногу 10.000 евра, по негов избор како кредитобарател, а за секое новоотворено работно место дополнително по 5.000 евра, при што ќе се финансираат проекти со најмногу 5 работни места (вклучувајќи го и кредитобарателот), односно до 30.000 евра, независно од тоа дали станува збор за дејност од помал или поголем обем;

– Рокот на враќање на средствата е 7 години со вклучен грејс период од 1,5 година без оглед на износот на кредитните средства;

– Каматна стапка од 1% на годишно ниво;

– Сопствено учество од корисникот на кредитот од најмалку 25% од износот на бараниот кредит (во вид на опрема, предмети и/или пари);

– Гаранција за поврат на средствата со хипотека во однос 1:1 со одобрениот кредит, или сопствена меница авалирана од најмалку еден авалист за кој правата и обврските по однос на истата се уредени со менична изјава дадена во форма на нотарски акт и со извршна клаузула или рачен залог во однос 1:2 во износ на одобрениот кредит.

Барањето за кредит може да се поднесе во работните клубови на 30-те Центри за вработување на Агенцијата за вработување на Република Македонија, секој работен ден од 09:00 до 14:00 часот.

Преземањето содржини и фотографии од порталот RadovisNews.mk значи дека давате согласност на нaведените Услови за користење

 

Related Articles

Временска прогноза