НОВАТА УЧЕБНА ГОДИНА ЗАПОЧНУВА СО 193 ПРВАЧИЊА ВО ОПШТИНА РАДОВИШ
Во основните и средното училиште во општина Радовиш денес и официјално започна новата учебна година.
Најсреќни од сите денес беа најмалите – првачињата кои денес го започнуваат своето школување, во петте основни училишта во општината до денес се запишани 193 првачиња, кои го започнуваат својот образовен процес.
Сите првачиња беа топло пречекани од своите соученици кои за добредојде одржаа програма подготвена со своите наставници.
Во ООУ „Никола Карев“ и ООУ „Крсте П.Мисирков“ во име на Градоначалникот на општина Радовиш, на првоодделенците и на останатите ученици, среќен и успешен почеток им посака Секретарот на општина Радовиш, Љупче Почивалец.
Возбудени и среќни беа и првачињата во општинските основни училишта „Орце Николов“ во Ињево, „Коста Рацин“ во Подареш и „Кирил и Методиј“ во Ораовица, кои и оваа година ќе добијат училишни пакетчиња за весела и успешна нова учебна година.
Фото: Општина Радовиш
Преземањето содржини и фотографии од порталот RadovisNews.mk значи дека давате согласност на нaведените Услови
