НОВАТА УЧЕБНА ГОДИНА ЗАПОЧНУВА СО 250 ПРВАЧИЊА ВО ОПШТИНА РАДОВИШ
Во основните и средното училиште во општина Радовиш денес и официјално започна новата учебна година.
Најсреќни од сите денес беа најмалите – првачињата кои денес го започнуваат своето школување, во петте основни училишта во општината до денес се запишани 250 првачиња, кои го започнуваат својот образовен процес.
Сите првачиња беа топло пречекани од своите соученици кои за добредојде одржаа програма подготвена со своите наставници.
Во ООУ „Никола Карев“ и ООУ „Крсте П.Мисирков“ на првиот училиштен ден присутен беше Градоначалникот на општина Радовиш Ацо Ристов кој на првоодделенците и на останатите ученици им посака среќен и успешен почеток.
Возбудени и среќни беа и првачињата во општинските основни училишта „Орце Николов“ во Ињево, „Коста Рацин“ во Подареш и „Кирил и Методиј“ во Ораовица, кои и оваа година добија училишен помошен прибор за весела и успешна нова учебна година.
Преземањето содржини и фотографии од порталот RadovisNews.mk значи дека давате согласност на нaведените Услови
