ППК РАДОВИШ СО ПОБЕДА ГО ЗАПОЧНА ПРОЛЕТНИОТ ДЕЛ ОД ПРВЕНСТВОТО

Екипата на ППК „Радовиш“ гостуваше во Скопје каде силите ги одмери со екипата на ППК „Телеком НЕЦ“ од Скопје.

Нашата екипа во еден изедначен и многу возбудлив натпревар издвојува мошне значајна победа со резултат од 4:3 и возврати за поразот во првото коло од истата екипа. На овој натпревар нашите натпреварувачи покажаа карактер во најтешките моменти каде ги добја најзначајните поени и сетови издвојувајќи мошне значајна победа.Со овие 2 бода моментално се искачија на 5-то место на табелата во супер Лигата на нашата земја.

На овој натпревар настапија: Милчо Чачаров, Гоце Димоски и Венко Стојанов. Во нашата екипа капитенски Гоце Димоски издвојуваше две победи од два одиграни сингл натпревари и заедно со Венко Стојанов во ДУБЛ ги победија Скопските противници каде точка на натпреварот стави Венко Стојанов со сигурна игра во последниот 7-ми натпревар каде ја завери заслужената победа против стариот „должник“.

Претстојниот викенд во Недела нашите натпреварувачи ке ги одмерат силите со екипите на ППК „Младост 96“ од Прилеп и екипата на ППК „Шампион ФА“ од Штип. Се надеваме на добра игра на нашите натпреварувачи и се очекуваат два возбудливи натпревари со екипите од Прилеп и Штип.

Резултати

Младост – Вардар 4:2

Работнички – Шампион Фа 1:4

Телеком Нец 1 – Радовиш 3:4

Табела – Супер лига (после 8 коло)