Денеска во периодот од 10-12 часот се одржа предупредувачки протест на вработените во Единицата за локална самоуправа Радовиш, правосудството и органите на државната управа.
Протестот е за изедначување со минималната плата и спроведување на законот за минимална плата кој не се почитуваше при исплатата на плата за месец март.
Помлад соработник во 2012 г. земал 20.000 денари плата, а сега зема 22.000 денари. Надлежните треба да знаат дека вработените во администрацијата се крајно незадоволни, рече Трпе Деановски, претседател на УПОЗ.
Двочасовен штрајк ќе има и утре, како предупредување за можноста за генерален штрајк.
Од УПОЗ велат дека врз одредени синдикални организации имало притисоци со порака да не се излегува на штрајкот, додека синдикалците порачаа дека ниту еден вработен не смее да биде казнет.
Трпе Деановски, претседател на УПОЗ, и Љубиша Јовановски, претседател на синдикалната организација на Катастар, во изјавата за медиумите рекоа дека пред повеќето институции од правосудството, управата, агенциите, министерствата, излегоа вработените кои на тој начин го изразуваат незадоволството затоа што не се почитува минималната плата.
– Уште има вработени што примаат под минималната плата, а нашето барање е секој работник да ја добие својата законска плата, минималната плата да важи и за овие вработени, а платите да бидат линеарно зголемени за 2.806 денари. Секоја година се зголемува просечната плата до 5 проценти, минималната плата сега е зголемена за близу 3.000 денари, само нашите вработени немаат добиено ништо. Помлад соработник во 2012 година земал 20.000 денари плата, а сега зема 22.000 денари. Надлежните треба да знаат дека вработените во администрацијата се крајно незадоволни – рече Деановски и нагласи дека по утрешниот ден ќе биде одлучено како да се постапува понатаму.
Преземањето содржини и фотографии од порталот RadovisNews.mk значи дека давате согласност на нaведените Услови
