Лути пиперки -клуч за здраво срце

Луѓето кои редовно јадат ваква храна не само што го продолжуваат својот животен век, туку и помалку заболуваат од тешки болести како рак, срцеви и респираторни заболувања.

Пиперката ви овозможува да го зајакнете имунитетот, да го хидрирате телото и да ги победите настинките. Наместо да пиете лекови, „сојузниците“ за зајакнување на телото побарајте ги во сезонските овошја и зеленчуци.

-Нашите истражувања укажуваат на врска помеѓу консумирањето на зачинетата храна и должината на животот, како и намалување на морталитетот се истакнува во студијата на групата на меѓународни истражувачи објавена во магазинот British Medical Journal.

Повеќегодишното набљудување на околу 500.000 Кинези со старост од 30 до 79 години покажа дека личности кои скоро секојдневно јадат зачинета у лута храна живеат подолго, т.е. поретко заболуваат од смртоносни болести.

„Нашите резултати ги поткрепуваат досегашните истражувања кои укажуваа на потенцијалната заштитно влијание на зачинетата храна на човечкото здравје “ истакнуваат истражувачите од кинеската Академија на медицинските науки и Универзитетот Оксфорд и Харвард.

Тие претпоставуваат дека главната улога ја има капсаицинот, активната супстанца која се наоѓа во лутите пиперки и која има антиоксидантно и антивоспалитено дејство што помага во борбата против дебелеењето и појавата на рак.

 


Преземањето содржини и фотографии од порталот RadovisNews.mk значи дека давате согласност на нaведените Услови за користење

 

Related Articles

Временска прогноза