Во Македонија, утрово се измерени -21 степени.
Под нулата е насекаде во Македонија. Според прогнозата на УММР, студеното време и минусните температури ќе продолжат и во текот на денов.
На планините е формирана снежна покривка која е највисока во Маврово 66 сантиметри и во Крушево 27 см.
Утрото ќе биде ведро и студено со многу ниски температури, кои во целата земја ќе се спуштат под -10 степени, а во Пелагонија и Малешевијата и до -18 степени. Дневните температури скоро насекаде ќе бидат под нула.
Под влијание на влажен и студен бран, утре и во четврток ќе има нови пообилни врнежи од снег, особено во западните делови. Потоа следува период на стабилно и суво време со ниски утрински температури, а дневните ќе бидат во благо покачување
Во Радовиш утрово беа измерени температури -15 степени, најниска температура е измерена во Берово, -21 степени, а во Скопје утрово е измерена температура од – 12 степени.
