Викендот што измина во Радовиш беше одржан еден несекојдневен настан, можеби за првпат организиран во нашата општина.
На терените во радовишко се одржа II квалификациски натпревар за кучиња „гоничи за зајак“, „Куп на Македонија“ кои треба да се одберат за состав на Македонската репрезентација.
На овој натпревар учествуваа голем број на ловци со нивните кучиња, на три различни локации- едната над манастирчето, другата покрај паток кон селото Калаузлија, и третата под село Штурово.
Исто така претходниот ден беше одржано предавање и објаснување на членовите од ЗЛТ Готен од Радовиш.
Овие активности беа во организација на Македонскиот клуб за Ловна кинологија, Kennel Асоцијатијата на Македонија, а како домаќин беше ЗЛТ Готен.
