ПОДИГАЊЕ НА ЈАВНАТА СВЕСТ ПРЕКУ НАГРАДНАТА ИГРА „ЈА САКАМ МОЈАТА ОПШТИНА“

ЕЛС Радовиш во соработка со ДУО ЕЛКОЛЕКТ од Скопје по претходно добиена дозвола од Министерство за финансии, врз основа на член 125 став 5 од Законот за игрите на среќа и за забавните игри организира наградна игра „ЈА САКАМ МОЈАТА ОПШТИНА“.

Цел на наградната игра е подигнување на јавната свест во поставувањето со Е- отпадот ( отпад од електрична и електронска опрема).

За учество во оваа наградна игра, потребно е да се одложи Е – отпад од големи и мали домашни апарати на содветни локации.

За големите домашни апарати, доставувачите ќе добиват по два купона а одложувањето се врши во кругот на ЈКП Плаваја – Радовиш.

Под големи домакински апарати, спаѓаат:

– Опрема за информатичка технологија и телекомуникација,

– Опрема за широка потрошувачка и забавна електроника и

– Електричен и електронски алат.

За малите домашни апарати следува по еден купон, а нивното одложување е во Основните училишта на нашата Општина, во Центарот за Култура и во ЈКП Плаваја – Радовиш.

Во мали домашни апарати, се опфатени:

– Опрема за осветлување

– Електрични и електронски играчки

– инструменти за следење и контрола.