ЗБРАТИМЕНАТА ОПШТИНА ТЕТЕВЕН ОД БУГАРИЈА СО СВОИ ПРЕТСТАВНИЦИ НА ЧЕСТВУВАЊЕТО НА ПРАЗНИКОТ „СВ.СПАСО РАДОВИШКИ“

Делегацијата составена од Претседателката на Советот Марија Стојчева, Градоначалникот на населеното место Голем Извор, Илијан Маринов, Секретарот на општината Цветелина Стојанова, Директорот на општинската администација Валентина Николаева и Младен Милев од Туристичкиот информациски центар, присуствуваше на манифестацијата „Св.Спасо Радовишки“ која се одржа во деновите од 19 до 21 Август во Радовиш.

Најпрво беше извршен прием кај Градоначалникот на општина Радовиш Герасим Конзулов на кој присуствуваа и Претседателот на Советот Коле Чаракчиев, Пратеничката Милевка Ѓоргиева и Секретарот на општина Радовиш, Драги Стојанов. На приемот беа разменети позитивни искуства и беше изразено обострано задоволство од досегашната соработка со желби за истата да продолжи и понатаму.

Потоа делегацијата беше дел од вечерната Архиерејска богослужба во Храм „Св.Троица“,  од вечерна Литија од Храм „Св.Троица“ до плоштадот „Св.Спасо Радовишки“ како и од Духовната академија во Храм „Св.Троица“.

Делегацијата замина вчера по одржувањето на Славската трпеза во Манастирот „Св.Георгија“ во с.Ораовица.

 






 






 

 



 




Related Articles

Временска прогноза