Центарот за развој на Југоистокот набави 23 агро-метео станици за сите 10 општини со кои фармерите ќе добиваат прогнози за заштита
Центарот за развој на Југоисточниот плански регион склучи договор за набавка на 23 Агрометеоролошки станици, средства кои Центарот ги доби од Швајцарската агенција за развој и соработка и министерството за локална самоуправа.
Набавката на станиците произлегоа како приоритет за граѓаните и здруженијата од Југоистокот на спроведениот регионален форум, каде проектот ,,Метео станици за заштита на земјоделските култури и животната средина” доби најмногу гласови низ конструктивни дебати
Според договорот, виничка фирма ќе треба да ги достави и инсталира 23 те станици со сензори , модели на болести и мобилна и компјутерска апликација, во 10 те општини од регионот, во првите месеци да ги оддржува, да споделува информации и прогнози на web страница но и дададе стручна поддршка на одговорни лица од сите општини но и обука на земјоделци за инсталацијата на софтверот
Општините Струмица, Гевгелија, Радовиш и Валандово треба да добијат по три агрометеоролошки станици, Василево, Босилово, Ново Село, Богданци и Конче по две а општина Дојран да добие една станица. Истите ќе бидат поставени на насади во зависност од општините кои ќе треба да дават резултати за климатските промени кои може да предизвикаат одредени болести кај лозовите, овошните насади или пак кај засеаните површини со градинарски култури или житни растенија
Главна цел на набавката на Агрометеролошките станици е подобрување на начинот на управување со земјоделските култури и условите за заштита на животната средина преку воведување современи технологии во земјоделството. Вкупната вредност на проектот изнесува 94.472,59 швајцарски франци кои Центарот за развој на Југоисточниот плански регион ги обезбеди преку проектот „Одржлив и инклузивен рамномерен регионален развој“ за што во мај годинава договор потпишаа Жулиета Ѓуркова раководителка на Центарот и тогашниот министерот за локална самоуправа Сухјел Фазлиу.
Информацијата е превземена од ©DRNKA
