Во рамки на програмата ЦКА-ПХВ (Црвен крст во акција промоција на хумани вредности) Во Црвен крст -Општинска организација Радовиш се одржа и третата обука, на која присуствува ученици од 13 до 17 години од Општинските училишта во Радовиш.
На обуките досега младинците се стекнаа со знаења и вештини за работата на терен за тоа како да направат проценка на потребите на нивните целни групи, како правилно да помогнат на оние на кој им е најпотребна нивната помош, и како сето тоа на крај правилно да го документираат.
Со завршувањето на обуките следува период на изработка на проектите кои треба да бидат финализирани заклучно до 29 април 2020 година.
ЦКА-ПХВ програмата претставува национална програма во која се вклучени младинци од 13 до 17 години. Тие добиваат унифицирана обука за дејствување на терен со цел изработка на мали проекти за добробит на заедницата ,а воедно програмата претставува и алатка за регрутирање на нови волонтери во Клубовите на млади.
