ФК ПЛАЧКОВИЦА ПОРАЗЕНА ВО ШТИП, РАКОМЕТАРИТЕ ПОСЛАБИ ВО КОНТРОЛНИОТ ВО БОГДАНЦИ

Фудбалерите на ФК Плачковица во саботата во Штип го одиграа натпреварот од второто коло во Втората фудбалска лига (Исток) против домашната екипа на ФК Брегалница.

Во овој натпревар неизвесноста траеше се до 50 минута каде Брегалница поведе преку Наумов со 1-0, потоа следуваше израмнување во 76 минута со голот на Таранинов, следните два гола за ФК Брегалница ги постигнаа Бакарчев и Кудев во продолжението.

ФК Плачковица е со два порази од почетокот на сезоната на домашен терен со 0-1 од ФК Тиквеш и овој со Брегалница, следниот викенд во Радовиш гостува новиот второлигаш ФК Слога од Виница, останува да видиме дали нашите фудбалери следниот викенд ќе ги израдуваат фановите со првата победа. И овој натпреавр ќе се игра без публика, терминот на одржување е 16.00 часот.

*видео од ФК Брегалница

Ракометарите на РК Радовиш се вратија поразени од Богданци во контролниот натпревар кој заврши со резултат 25-21, полувреме 13-12.

Овој контролен натпревар е втор против Младост, првиот во Радовиш, РК Радовиш славеше победа со резултат 31:24, а претходно беа одиграни уште два натпревари со РК Тиквеш во Радовиш со победа на РК Радовиш 41-37, и во Кавадарци со победа на РК Радовиш 31-34.

Супер Лигата започнува на 12/13 септември РК Радовиш е во групата со Астраион, Јуниор КВ, Охрид, Струга, Пролет и КЛ7, додека Тиквеш ќе игра во групата Б со Бутел Скопје, Металург, Еурофарм Пелистер 2, Младост Богданци, Работнички и Прилеп.

РК Радовиш е во група каде што се екипи кои оваа сезона со проширувањето за прв пат играт во Супер лигата, останува да видеме дали нашиот ракометен клуб ќе успее да обезбеди пласман во Плеј оф завршницата имајки предвид дека тимот е со нови имиња и наши повратници и може да биде супериорна оваа сезона, но останува да видиме дали РК Радовиш ќе изигра за радовишани кои нема да имаат можност оваа сезона да присуствуваат на натпреварите поради донесените мреки за превенција и заштита од вирусот.

Ние како редакција ќе бидеме секогаш со нашите спортски клубови и нашите читатели редовно и прецизно ќе бидат информирани за успесите и поразите на нашите клубови кои се натпреваруваат во системот на натпревари во Македонија.