ОДРЖАНА 57 СЕДНИЦА НА СОВЕТОТ НА ОПШТИНА РАДОВИШ

Советот на општина Радовиш вчера  ја одржа својата 57 работна седница.

Седницата беше закажана за 14.00 часот, но започна скоро еден час подоцна од предвидениот термин, а беше одржана во СОУ „Коста Сусинов“ Радовиш.

Дневниот ред од 26 точки, беше дополнет со уште три точки кои беа гласани и влегоа во Дневниот ред.

Од страна на советниците беше предложена допуна на дневниот ред со точка: Одлука за  укинување на одлуката „реконструкција на градското шеталиште“, предлог за изградба инфраструктурен објект „Повеќенаменско спортско игралиште“ во село Калаузлија, и предлог за префрлање средства за реконструкција на домот на културата во с. Ињево.

Од дневниот ред беше повлечена една точка за понатамошно разгледување и тоа „Разгледување и усвојување методологија за распределба финансиски средства на спортски клубови, здруженија  и др.“. Со овие точки дневниот ред броеше 25 точки и сите беа разгледани и усвоени.

На оваа седница беше донесена и Предлог Одлука за измени и дополнувања на буџетот на општината.

 

Советниците поставуваа Советнички прашања доставени од граѓаните од Радовиш и населените места до надлежните, но според реакциите на дел од советниците тие не добиле адекватен одговор и објаснувања на поставените прашања.

Според Советниците, овие Советнички прашања и одговори се болна точка на сите советници кои изминатиот период многу ретко добиваа одговор и повратно ги информираа граѓаните за проблемите и можните решенија за решавање.

 

 

ДНЕВЕН РЕД – РЕШЕНИЕ  57 СЕДНИЦА 

 

 


Преземањето содржини и фотографии од порталот RadovisNews.mk значи дека давате согласност на нaведените Услови


 

 

 

 


 

 

 

 

 

 

Related Articles

Временска прогноза