ФК ДЕТОНИТ СО НОВ СТРАТЕГ НА КЛУПАТА ВО САБОТА ПРОТИВ ПРИЛЕПСКА ПОБЕДА

Горан Здравков е новиот шеф на стручниот штаб на радовишки ФК Детонит.

Во сабота детонитци ќе го одиграт натпреварот од третиот круг во Втората фудбалска лига (Исток), а доаѓа прилепска Победа. Терминот на одигрување е 15.00 часот.

Екипата на ФК Детонит во овој натпревар ќе се обиде да освои бодови кои се потребни за опстанок во оваа лига, ФК Победа беше гостин пред неколку кола во Радовиш каде што во еден изедначан натпревар се ремизираше и бодовите беа поделени.

Покана упатуваат од управата на ФК Детонит до сите љубители на спортот и фудбалот во сабота на Градскиот стадион во Радовиш го бодриме нашиот клуб.

Им посакуваме успех на нашите фудбалери!