ЗОШТО МЕДОТ СЕ КРИСТАЛИЗИРА (ЗАШЕЌЕРУВА)?

Сигурно многупати сте се запрашале зошто медот се зашеќерува?

Станува збор за природен процес кој не го нарушува квалитетот ниту вкусот на медот, бидејќи тоа не значи дека медот се расипал, туку дека само кристализирал – тоа е сосема нормална појава, која не ја нарушува оригиналната арома, вкусот ниту лековитите потенцијали на медот.

„Зашеќерениот“ мед е всушност доказ дека е со висок квалитет т.е дека е органски и дека не поминал низ постапка на обработка. И во оваа форма може да се користи за засладување на чајот, кафето или млекото, но треба да се внимава со дозирањето за напивките да не бидат преслатки.

Оние пак на кои им е тешко да ракуваат со стврднатиот мед – можат, по желба, да го вратат во првобитната состојба со загревање.

Дали и во која мерка медот ќе се кристализира, тоа главно зависи од одредени хемиски и физички својства на овој природен сладок производ. Медот од кошница кој по текстура е мазен и течен претставува комбинација на помало учество на вода и два вида шеќер, повеќе гликоза и фруктоза, со додаток на некои други честички.

Медот може да остане во оваа агрегатна состојба извесно време, но може да се промени при одредени надвореши влијанија, особено температурните. Имено, дури и ако садот со мед е адекватно затворен, складирањето во фрижидер наместо на собна температура – или одлагање на медот со амбиентална температура помеѓу 10 и 20 ºC најчесто делува како каписла за кристализација.

Во тие околности, поедини молекули на гликоза во медот почнуваат да се врзуваат во помали честички и формираат кристална структура, а во меѓувреме, како што напредува тој процес, кристалите се лепат едни за други и медот почнува да се стврднува.

Она што е важно да се каже е дека органските, суровите, необработените сорти на мед се посклони кон „зашеќерување“ токму затоа што во нив има повеќе честички како полен, восок и прополис, кои обично се делумно или целосно отстранети во процесот на пастеризација – затоа и шансата рафинираните медови да кристализираат е многу помала.

Меѓутоа, овие сорти имаат пониска нутритивна вредност од оние органските, бидејќи загревањето ги оштетува важните ензими и го намалува нутритивното богатство на овој производ.