Започнува кампањата за Парламентарните избри 2024 година. Радовишани ќе имаат можност да бират и одберат за кого ќе гласаат на изборите кои се закажани за 8 мај.
Изборната кампања за парламентарните избори закажани за 8 мај годинава, започнува на 18 април во 00:00 часот и ќе трае до 24:00 часот на 06 мај.
Според роковникот што го усвои ДИК, изборната кампања започнува 20 дена пред денот на изборите и во првиот и вториот круг на гласање не смее да трае 24 часа пред денот на изборите и на денот на изборите.
Пред почетокот на кампањата за Парламентарните избри 2024 година ви ги претставуваме кандидатите за пратеници од општините Радовиш и Конче.
Моника Трајанова-докторката која верува дека сите луѓе заслужуваат достоинствен живот, квалитено образование, ефикасно здравство, повисок стандарт за сите е на 9 место на листата на ВМРО-ДПМНЕ и коалицијата.
Родена е 1986 година во Радовиш, основно образование завршува во Ораовица од каде што и потекнува, за подоцна продолжи во средното медицинско училиште ДСМУ Д-р Панче Караѓозов во Скопје, потоа дипломира на Медицинскиот факултет во Скопје.
Д-р Моника Трајанова од 2019 година до моментот е специјализант на Клиниката за психијатрија во Скопје. Своето прво работно искуство д-р Трајанова го има во Итната медицинска помош во ЈЗУ „Здравствен дом“ Радовиш, најпрво како доктор- волонтер, подоцна заснова работен однос, за потоа да биде именувана за раководител на Итната медицинска помош во ЈЗУ „Здраствен дом“ Радовиш.
Паралелно со работните обврски врши и едукација во Медицинскиот стимулациски центар Скопје. Д- р Трајанова во моментот е на специјализација на Клиниката за психијатрија во Скопје.
Своето формално образование д-р Трајанова го има надополнето со низа обуки и семинари од областа на медицината и активно е вклучена во трибини, панел- дискусии и предавања од нејзината специјалност.
Паралелно со професионалниот развој д-р Трајанова е активна и на политичката сцена. Најпрво како активист на УМС Ораовица, како член на Комисијата за здравство при ОК во Радовиш. Во периодот од 2017 до 2021 е член на Советот на Општина Радовиш, како советник од редовите на советничката група на ВМРО- ДПМНЕ Радовиш. Од 2017 година до денес д- р Трајанова е претседателка на УЖ на ВМРО- ДПМНЕ ОК Радовиш.
На последните локални избори д- р Моника Трајанова беше носител на листата на советници од ВМРО- ДПМНЕ во Радовиш. По завршувањето на локалните избори, до ден денес таа е Претседател на Советот на Општина Радовиш. Од оваа позиција таа е кандидирана за пратеник од редовите на ОК ВМРО ДПМНЕ Радовиш во 4 ИЕ, каде носител е Александар Николовски.
Девизата која д- р Моника ја води низ животот е дека сите луѓе се исти и секој има право на достоинствен живот, кон ова таа се стреми секојдневно и преку својата професионална определба и преку своите политички ангажмани.
Симона Цветаноски е дипломиран правник, магистер на правни науки Директор на ЈЗУ Здравствен дом во Радовиш.
Основното и средното образование го стекнува во училиштата во Радовиш, а дипломира на УГД во Штип. Родена е 1994 година, мајка, сопруга, амбициозна, секогаш достапна за секој граѓанин, грижлива, хумана, мотивирана и доверлива.
Како кандидат за пратеник во Изборната единица влегува од листата на СДСМ и коалицијата каде што претходно има повеќе функции во партијата: Цветаноски е член на Централниот Одбор на Социјалдемократскиот сојуз, член на Извршен одбор при ОО СДСМ Радовиш, одговорна на Правен сектор при ОО СДСМ Радовиш и поранешен советник/координатор во Советот на Општина Радовиш.
Симона Цветаноски е Борец за права, правда и правен систем. Поборник за кампања против стеротипите, борец за женски права! Член на повеќе невладени организации и здруженија преку кој допира до различни категории луѓе за да се слушне нивниот глас.
Симона Цветаноски е на 10 место на листата на СДСМ и коалицијата за престојните парламентарни избори кои ќе се одржат на 8 мај.
Енвер Хусејин e носител на листата во Изборната единица 4 на коалицијата за Европскиот фронт предводена од ДУИ и ТДП.
По националност е турчин роден 1971 година, со потекло од Тополница, Радовишко. Основно и средно образование стекнува во Радовиш, дипломира на Факултетот за образовни науки при УГД во Штип, магистрира правни науки на Меѓународниот Универзитет во Струга.
Актуелен Заменик министер во МТСП, поранешен Државен секретар во МТСП и МОН, основач и претседател на здружение на граѓани и сеуште учествува во сите хуманитарни акции и добротворни цели кои се организираат од страна на здружението,
Во текот на својот професионален агнажман бил вклучен во повеќе координативни активности на национално ниво како преставник од државна институција преку учество на различни конференции и настани на европско ниво.
Член на политичката партија истовремено е член на Централно собрание, член на УО на Демократска Партија на Турците на Македонија, а од 2021 година е потпретседател на ТДП.
Гоце Дединец кандидатот за пратеник во ИЕ4 од листата на ВМРО-ДПМНЕ и коалицијата е на 18 позиција на оваа кандидатска листа.
Дединец е семеен човек, оженет, татко на две деца роден 1973 година. Раководител на секторот за водовод и канализација во ЈП Плаваја.
Основното образование дел од средното образование го стекнува во Радовиш, а го комплетира и завршува во Штип во СОУ Коле Нехтенин, каде се стекнува со диплома за завршено средно образование машински техничар од каде што добива интерес за неговата идна професија за понатаму да дипломира на Машинскиот факултет во Скопје.
По завршувањето на образованието се вработува во приватна компанија, за потоа да дојде во Јавното претпријатие за комунални дејности Плаваја Радовиш на позицијата Директор со која успешно менаџира.
Еден од кандидатите за Пратеник во 4 ИЕ на претстојните Парламентарни избори од СДСМ е Претседател на ОО СДСМ, Конче Серхан Нанушев
Нанушев е татко на 3 деца, по професија е дипл.Правник и дипл. Социјален работник, вработен во ЈУМЦСР -Радовиш. Серхан е на 18 место на листата кандидати за пратеници.
На листата на Левица од нашиот град е кандидатот за пратеник Александар Чапов, кој е на 11 место на оваа листа.
На листата на Движењето ЗНАМ – За наша Македонија е името на радовишанката Гоцевска Благица-дипломиран професор по германски јазик.
Продолжуваме….
Преземањето содржини и фотографии од порталот RadovisNews.mk значи дека давате согласност на нaведените Услови
