Денес во утринските часови беше одржан состанок со Општинскиот штаб за заштита и спасување. Утврдено е дека, пожарот кој зафати дел од планина Плачковица во Радовиш после целовечерна интервенција со огнената стихија е целосно и успешно ставен под контрола од страна на Територијално противпожарната единица на Радовиш и Струмица и екипи од јавните претпријатија во Радовиш и рудник Бучим.
Побарано е дополнителна помош од 30 припадници на АРМ , кои веќе се упатени кон теренот за понатамошно следење на развојот на ситуацијата.
Градоначалникот на Општина Радовиш Ацо Ристов упати голема благодарност за несебичната поддршка на сите они кои беа вклучени во интервенцијата и дадоа голем придонес да не ескалира состојбата и предизвика уште материјални штети особено по векенд населбата.
Преземањето содржини и фотографии од порталот RadovisNews.mk значи дека давате согласност на нaведените Услови
