ВТОРА ФАЗА ОД КАМПАЊАТА „ТВОЕТО НЕЗНАЕЊЕ ЧИНИ ЖИВОТ“

Црвен крст на Република Македонија -Општинска организација Радовиш официјално го означи стартот на втората фаза од кампањата ,,Твоето незнаење чини живот’’.На ден 16.12.2019 год се одржа обука на вработените и родителите на корисниците на Дневниот центар „Порака“.

Целта на ваквиот вид на обука е родителите да научат како да им укажуваат прва помош на своите деца. Предавач на обуката беше д-р Весна Пешева Јанковски.

Нејзиното широко познавање на првата помош секогаш ги мотивира учесниците да научат и да дознаат што е можно повеќе, па како резултат на тоа, овие обуки се интерактивни. Овој вид на обука има голем успех и навистина има огромен интерес од страна на родителите.

Црвен крст продолжува да гради цврсти механизми за кревање на свеста и промовирање на општествената одговорност.