ОД УТРЕ, ЗА СРБИЈА ЌЕ СЕ ПАТУВА БЕЗ ЗАДОЛЖИТЕЛЕН ПЦР ТЕСТ

Од утре, за Србија ќе се патува без задолжителен ПЦР тест. Србија одлучи да го укине задолжителниот ПЦР тестот за влез во земјата за македонските државјани. Оваа информација вчера српската премиерка Ана Брнабиќ ја соопшти.

Премиерката Ана Брнабиќ информираше дека од четврток, 14 јануари, Република Србија ќе го укине задолжителниот ПЦР тест за влез во Србија за граѓаните на Македонија, со што повторно ќе се обезбеди реципроцитет и обострана непречена комуникација меѓу граѓаните на двете земји, се додава во соопштението на владината прес-служба.