Свети Анастасиј Радовишки, познат и како Свети Спасо Радовишки, е христијански новомаченик и светец, роден во Радовиш во 1774 година, кој својот живот го завршил маченички во Солун во 1794 година. Според преданието за неговиот живот, на возраст од дваесет години, неговите родители го испратиле во Солун за да изучува занает. Таму бил изложен на притисоци да ја напушти својата христијанска вера и да го прими исламот. Но, Анастасиј останал цврст и не се откажал од својата вера. Поради својата одлука бил подложен на тешки измачувања, кои храбро ги поднесувал. Пред да биде погубен, измачениот Анастасиј, одејќи кон местото на погубувањето, паднал од исцрпеност и ја предал својата душа на Господа. Така го завршил својот земен живот, останувајќи запаметен како млад новомаченик кој до крај останал верен на својата вера. По неговата маченичка смрт, Свети Никодим Агиорит го составил житието на Свети Анастасиј, со што неговиот подвиг и страдање биле зачувани од заборав. Празник на Свети Анастасиј Радовишки Православната црква го одбележува празникот на Свети Анастасиј Радовишки на 8 август според јулијанскиот календар, односно на 21 август според грегоријанскиот календар. Свети Анастасиј Радовишки, познат меѓу народот и како Свети Спасо Радовишки, останува симбол на верата, храброста и истрајноста, а неговото име и подвиг се длабоко поврзани со духовната традиција на Радовиш. 🙏 Нека молитвите на Свети Анастасиј Радовишки бидат со сите нас! © RadovisNews.mk, правата за текстот се на редакцијата на информативниот портал. Преземањето содржини и фотографии од порталот RadovisNews.mk значи дека давате согласност на нaведените Услови Post navigation ОД ЗРНО ДО ПОГАЧА – ТРАДИЦИЈА, ФОЛКЛОР И БОГАТА ТРПЕЗА 🌾
