РК РАДОВИШ СО ТРИУМФ ПРОТИВ РК ПЕЛИСТЕР

Ракометарите на РК Радовиш се враќаат победнички од Битола, на гости го совладаа за прв пат големиот Пелистер.

Убедлив триумф на нашите ракометари со чекор до Плеј-оф завршницата, вечерва покажаа дека играт со срце за Радовиш.

РК Пелистер имаше почетно водство на почетокот, минимално (6-4), потоа РК Радовиш поведе (9-10), за да резултатот на полувреме биде 13-14 за нашите ракометари.

Кон средината на второто полувреме беше изедначено (17-17), потоа домаќините поведоа (19-17), пак РК Радовиш доминираше (21-22) и една мала серија на РК Радовиш за важната победа во Битола (22-24).

Ивица Илиев постигна девет гола, Долдуров четири, кај домаќините Талевски пет, Петровски четири погодоци.

РК ПЕЛИСТЕР – РК РАДОВИШ 22:24 (13:14)

Сала: Боро Чурлевски во Битола. Судии: Исмаил Металари и Ненад Николовски од Скопје. Делегат: Душко Камишевски од Скопје.

ПЕЛИСТЕР: Трајковски 3, Блажевски 1, Петровски 4, Димитровски 2, Митревски, Мандиќ 1, Ивановски, Димитровски 1, Апостоловски, Петовски, Ристевски, Димитров 2, Талевски 5, Илиев, Буторац 3, Вардовски.

Седмерци: 3/6. Исклучувања: 2 мин.

РАДОВИШ: Паунов 1, Стојановски, Јованов, Ѓорѓиевски 1, Долдуров 4, Ѓорѓиев 2, Постолов, Фенов, Б.Ѓорѓиев, Органџиев 1, Николов 3, Ристов, Тушев, Илиев 9, Трајанов, Везенковски 3.

Седмерци: 2/2. Исклучвања: 14 мин