ПЗ „Радовишка Пчела – Rada Bee“ и пчеларското здружение „Пчела Куманово“ потпишаа Меморандум за соработка

Во саботата, во Музеј на љубовта и уметноста во Радовиш, беше потпишан Меморандум за соработка помеѓу пчеларското здружение ПЗ „Радовишка Пчела – Rada Bee“ и пчеларското здружение „Пчела Куманово“.

По потпишувањето на Меморандумот, претседателката на ПЗ „Радовишка Пчела – Rada Bee“, Снежана Сарафимова Панчева, ги информираше присутните дека на годишното собрание едногласно е донесена одлука за членство во ПФМ. Во ПФМ веќе членуваат следните здруженија: Пчеларско здружение „Матица“ – Скопје, „Пчела“ – Куманово, Пчеларско здружение „Братство“ – Прилеп, ПЗ „Мариовско Пелагониски Пчелари“ – Битола, „Пчела“ – Крива Паланка, Пчеларско здружение – Охрид, „Екокаммед“ – Македонска Каменица, ПЗ „Овчеполско Сонце“ – Свети Николе, ЗГ „Македонска Пчела“ – Негорци, ЈГПБР „Меден Исток“ – Кочани, ЗГ „Пчелар“ – Штип.

По официјалниот дел, нашиот истакнат член Игор Ангеловски одржа презентација на тема:
„Зголемување на пчелни семејства од сопствени ресурси“.

Аплаузот кој го доби на крајот од своето излагање беше најдобра потврда за квалитетот и сериозниот пристап кон едукацијата на нашите пчелари.

Настанот заврши со прекрасно пчеларско дружење во ресторанот „Амбасадор“ во Радовиш.

Претходно, ПЗ „Радовишка Пчела – Rada Bee“ го одржа и своето годишно Собрание, на кое присуствуваа членовите на здружението.