ЖФГ „РАДОВИШАНКИ ЕТНО“ СО РЕВИЈА НА НАРОДНИ НОСИИ И ГОДИШЕН КОНЦЕРТ

Женската фолклорна група „Радовишанки- Етно“ во Центарот за култура „Ацо Караманов“ го одржа четвртиот годишен концерт, а оваа година кој беше и во рамките на Јубилејот „1000 години Радовиш“.

Овој концерт беше збогатен со настап на фолклорни групи од Струмица, Кочани и ФА Бучим од Радовиш, како и гости од Бугарија.

Женската фолклорна група „Радовишанки- Етно“ се претстави со двете групи и пет уметнички кореографии: Женско чамче, Водарки, Повардарие, Изворно и Егејско оро.

Во склоп на програмата беше и организирана ревија на народни носии со што се заокружи една успешна година на ЖФГ „Радовишанки- Етно“ .