РАДОВИШАНИ ЗАЕДНО СО МАКЕДОНИЈА НА ЕВРОПСКОТО ПРВЕНСТВО ВО РАКОМЕТ

Организрани наши сограѓани, љубители на спортот и ракометот пристигнаа во Виена пред денешниот прв натпревар на Македонската репрезентација.

Македонската ракометна репрезентација во Виена ќе ги игра натпреварите од ЕП 2020 што се одржува во Австрија, Норвешка и Шведска.

Во пресрет на првиот дуел со Украина кој се игра вечерва, нашите ракометари од трибините ќе ја имаат подршката и од нашите радовишани, кои организирано пристигнаа во Виена и ќе бидат присутни на сите натпревари на нашата репрезентација.

Да и посакаме успех на Македонија, и пласман во следната фаза од оваа европско првенство.

Македонската репрезентација во Виена игра во групата Б со домаќинот Австрија, Украина и Чешка, нашите ракометари ќе ги чекаат следните противници доколку успееме во првата фаза да поминеме од групата А каде се Хрватска, Србија, Црна Гора и Белорусија кои играт во Грац.

10.01.2020 – Македонија – Украина 20:30 час.

12.01.2020 – Чешка – Македонија 16:00 час.

14.01.2020 – Австрија – Македонија 18:15 час.

Европското првенство во ракомет започна вечерва каде што се одиграа и првите два натпревара на кои победи забележаа Белорусија и Германија.

Во А-групата, Белорусите ја совлада Србија со 35:30,  Германија не дозволи изненадување на отворањето во Ц-групата и ја совлада Холандија со убедливи 34:23.

Овие две групи ќе се комплетираа со првото коло вечерва по одигрување на натпреварите Хрватска – Црна Гора (А-група) и Шпанија – Летонија (Ц-група).