MИЦКОСКИ: АХМЕТИ ВЛАДЕЕ СО МАКЕДОНИЈА, КОВАЧЕВСКИ МУ СЛУГУВA!

Македонија е земјата со најголема стапка на криминал во Европа. Со најголема инфлација и рекордер по сиромаштија. Над 600 илјади луѓе живеат со 150 денари на ден. 80 илјади луѓе живеат во екстремна сиромаштија со 60 денари на ден.

Македонија е на врвот по индексот на мизерија. Косово се гради и стана центар во споредба со Македонија, а Македонија не може глава да крене, рече Христијан Мицкоски, претседател на ВМРО-ДПМНЕ на вчерашниот митинг во Радовиш.
Мицкоски посочи дека причината за ваквите резултати се ДУИ и СДСМ.

„Ахмети владее со Македонија, Ковачевски му слугува. Груби, Талат, Бујар ја раскрчмуваат, а Маричиќ, Спасовски, Николовски му помагаат. Ахмети е стопанот, а Ковачевски на тацна му даде се што сака. На тој начин си купуваат мир и време во фотелјите додека народот страда. 

Претседателот Мицкоски најави дека доаѓа крајот на ваквата ситуација.
„Ви велам дека овие избори се и шанса да воспоставиме ред. Доаѓа одговорност за сите кои се огрешиле пред законите. Доаѓа одговорност и владеење на законите подеднакво за сите. Било да е некој од СДСМ, ДУИ или ВМРО. Мора еднаш да владеат законите, ако сакаме Македонија да ја биде. Нашата борба е и за средена Македонија. Македонија на народот и која ќе биде повторно твоја“, порача Мицкоски.