УЧИЛИШТАТА ЌЕ РАБОТАТ ВО ВТОРНИК, ЌЕ БИДАТ ЗАТВОРЕНИ САМО ПРОСТОРИИТЕ СО ИЗБИРАЧКИ МАТЕРИЈАЛ

Еден ден пред изборите, во вторник, ќе работат училиштата во кои ќе се одржи гласањето за претседателските избори. Ќе бидат заклучени само оние простории каде ќе биде сместен избирачкиот материјал.

„ Тие училишта ќе работат меѓутоа просториите во кои ќе биде избирачкиот материјал, ќе бидат заклучени и ќе ги обезбедува Министерството за внатрешни работи, изјави претседателот на Државната изборна комисија Александар Даштевски, одговарајќи на новинарски прашања по потпишувањето на Кодексот за фер и демократски парламентарни избори.

Првиот круг на претседателските избори ќе се одржи следната среда на 24 април.

Владата вчера донесе одлука 24 април и 8 мај, да бидат неработни и да не се одработуваат.