По повод одбележувањето на Светскиот ден на мозочниот удар, денеска на Градскиот плоштад во Радовиш беше спроведена здравствено-превентивна активност од страна на медицинскиот персонал на ЈЗУ Здравствен дом – Радовиш. Граѓаните имаа можност бесплатно да направат мерење на крвниот притисок и проверка на нивото на шеќер во крвта, со цел подигнување на свеста за значењето на редовните здравствени контроли и навременото откривање на ризик-факторите за мозочен удар. По повод активноста, директорот на ЈЗУ Здравствен дом – Радовиш, Стојанче Петров, упати порака до граѓаните: „Грижата за здравјето треба да биде наша секојдневна обврска. Редовните здравствени контроли, следењето на крвниот притисок и нивото на шеќер во крвта, како и навременото препознавање на ризик-факторите, се од особена важност во превенцијата од мозочен удар. Апелирам до граѓаните да посветат поголемо внимание на сопственото здравје, бидејќи превенцијата и навремената реакција можат да спасат живот.“ Од ЈЗУ Здравствен дом – Радовиш продолжуваат активностите насочени кон унапредување на здравствената свест и превентивната здравствена заштита на населението. ❤️ ПРЕВЕНЦИЈАТА МОЖЕ ДА СПАСИ ЖИВОТ! © RadovisNews.mk, правата за текстот се на редакцијата на информативниот портал. Преземањето содржини и фотографии од порталот RadovisNews.mk значи дека давате согласност на нaведените Услови Post navigation ЗАВРШНИ ГРАДЕЖНИ РАБОТИ НА НОВИОТ ГРАДСКИ ПАЗАР ВО РАДОВИШ ОПШТИНА РАДОВИШ Е ДЕЛ ОД РЕГИОНАЛНИОТ ПРОЕКТ ECOCONNECT, ПОДДРЖАН ОД СВЕТСКАТА БАНКА И МИНИСТЕРСТВОТО ЗА ЖИВОТНА СРЕДИНА И ПРОСТОРНО ПЛАНИРАЊЕ
