ОДРЖАНА ТАКТИЧКО-ПОКАЗНА ВЕЖБА ЗА СПАСУВАЊЕ И ЕВАКУАЦИЈА ОД ПОЖАР

ТППЕ Радовиш во соработка со ОО Црвен Крст Радовиш, по веќе утврдено сценарио, организира и спроведе  тактичко-показна вежба за спасување и евакуација во случај на пожар во ОО,,Орце Николов” с.Ињево.

ТППЕ Радовиш изврши обучување на  вработените  и учениците како да постапат  во случај на вакви видови опасности .

Во реализацијата на оваа активност, свој активен придонес  дадоа и волонтерите од Клуб на млади на ООЦК Радовиш, преку симулирање на спасување и евакуација на повредени лица.

Целта на вежбата е проверка на ефикасноста и функционалноста на планот за заштита и спасување  во училиштата, увежбување на истите и пружање на прва помош. Истата беше оценета како успешна.

Симулациски вежби  со претходно утврдено сценарио ќе бидат спроведени и во подрачните училишта во с.Калуѓерица и с.Злеово на ден 26 октомври и 2 ноември, оваа година.