Алкотестирање, физички напад и сообраќајна несреќа во билтенот на СВР Струмица- ОВР Радовиш

На 06.02.2026 во 11:40 часот во село Ињево, радовишко, полициски службеници од СВР Струмица- ОВР Радовиш го лишија од слобода А.С.(38) од истото село. Тој околу 09:50 часот на раскрсницата од регионален пат Р2433 и улица во село Ињево, управувајќи патничко возило „рено“ со радовишки регистарски ознаки, предизвикал сообраќајна несреќа и го напуштил местото на настанот. По преземени мерки од полициските службеници, А.С. е пронајден и од извршеното алкотестирање му е утврдено присуство на алкохол во крвта од 2,64 промили. Лицето е задржано во Полициската станица Радовиш, известен е јавен обвинител од Основното јавно обвинителство Радовиш и по целосно документирање на случајот против него ќе биде поднесена соодветна пријава.

На 07.02.2026 во 00:58 часот на ул. „7 Ноември“ во Гевгелија, полициски службеници од СВР Струмица – ОВР Гевгелија го лишија од слобода Т.Ј.(52) од Гевгелија. При контрола во патниот сообраќај, полициските службеници сопреле патничко возило „фолксфаген“ со гевгелиски регистарски ознаки, кое го управувал Т.Ј. и по преземени мерки било констатирано дека е под дејство на алкохол, односно дека има 2,97 промили алкохол во крвта. Лицето е задржано во Полициската станица Радовиш, запознаен е јавен обвинител од Основното јавно обвинителство Радовиш и по целосно документирање на случајот следува соодветна пријава.

На 04.02.2026 во 15:30 часот во радовишко село, полициски службеници од СВР Струмица-ОВР Радовиш лишија од слобода 39-годишен жител на тоа село, постапувајќи по претходна пријава дека истиот ден во нивниот дом физички ја нападнал неговата сопруга. Лицето е задржано во Полициската станица Радовиш, а за настанот е запознаен јавен обвинител од Основното јавно обвинителство Радовиш. По документирање на случајот следува соодветна пријава.