Реализирано второто по ред третирање против комарци во Радовиш

Радовиш, Во Општина Радовиш вчера беше реализирано второто по ред третирање против комарци, како дел од годишната програма за дезинсекција насочена кон намалување на популацијата на комарци и заштита на јавното здравје.

Акцијата беше спроведена по земјен пат од страна на Центарот за јавно здравје -Скопје, преку Службата за дезинфекција, дезинсекција и дератизација, согласно планираните годишни активности.

Од Општина Радовиш информираат дека дезинсекцијата претставува редовна превентивна мерка што се спроведува во текот на летниот период, со цел да се намали присуството на комарци и да се обезбедат подобри услови за живот на граѓаните.

Надлежните посочуваат дека и во наредниот период ќе продолжат со реализација на предвидените активности, во согласност со програмата и потребите на терен, со цел навремена и ефикасна заштита на населението од инсектите.