КРВОДАРИТЕЛСКА АКЦИЈА ВО РАДОВИШ

Почитувани сегашни и идни крводарители,

Црвен крст Општинска организација Радовиш Ве поканува да земете учество на крводарителската акцијата која ќе се одржи на 08.06.2021 година (вторник) во просториите на Општинска организација Црвен крст Радовиш со почеток од: 09:00 до 15:00 часот.

Да напоменеме дека крводарувањето не е поврзано со Ковид-19 и е сосема безбедно.
Да бидеме хумани за оние на кои им е најпотребно.

Ги замолуваме крводарителите кои ќе даруваат крв да ги почитуваат препораките за сомозаштита на Министерството за Здравство.

Ве очекуваме,

Биди хуман, дарувај крв, спаси нечиј ЖИВОТ.

Факти за крводарувањето:
– Дарувањето на крв е доброволно, анонимно и бесплатно.
– Крводарител може да биде секоја здрава личност од 18-65 години.
– Жените можат да даруваат крв на секои 4 месеци, додека мажите на секои 3.
– Дарувањето крв не е болно, не создава навика и не му штети на организмот.
– Пред секое дарување крв се врши лекарски преглед.
– Дарувањето крв е корисно со тоа што ќе го проверите вашето здравје.
– На крводарителите како почитувани членови во општеството, Црвен крст им доделува признанија.
– Со 10 дарувања на крв, секој крводарител е ослобооден од плаќање на сите видови болничка партиципација.