Со пригодна и скромна церемонија, во присуство на вработените и поканетите гости, денеска во ЈЗУ „Здравствен дом“ – Радовиш беше одбележан Светскиот ден на здравјето. Светскиот ден на здравјето се одбележува секоја година на 7 април, под покровителство на Светската здравствена организација (СЗО), со цел подигање на свеста за значењето на здравјето и унапредување на здравствената заштита на глобално ниво. Овој датум се поврзува со основањето на СЗО во 1948 година, а од 1950 година започнува неговото официјално одбележување. По тој повод, директорот Стојанче Петров додели ваучери на пензионираните вработени. Во рамки на настанот беа врачени и благодарници за поддршка и придонес на Општина Радовиш и Општина Конче, како и на компании од приватниот сектор. Посебна благодарница беше доделена на Рудникот Бучим. © RadovisNews.mk, правата за текстот се на редакцијата на информативниот портал. Преземањето содржини и фотографии од порталот RadovisNews.mk значи дека давате согласност на нaведените Услови Post navigation Спроведување на акцијата за собирање, згрижување и стручен третман на кучиња скитници Обновување на хоризонталната сигнализација во Радовиш
