Покана за отворена средба со заинтересирани граѓани – МЗ Смаил Масуд с.Тополница

По повод денешната средба со претставници на локалната заедница, а во насока на навремено информирање, транспарентна комуникација и овозможување директен увид во сите аспекти поврзани со проектот, ДПТУ „Бучим“ ДООЕЛ Радовиш организира отворена средба со жителите на с. Тополница.

Средбата ќе се одржи утре, со почеток во 11:30 часот, во с. Тополница, и е наменета за сите заинтересирани граѓани кои сакаат директно да се информираат, да постават прашања и да добијат стручни појаснувања.

На средбата ќе присуствува проф. д-р Љупчо Петковски, кој ќе биде достапен за одговори и дополнителни информации поврзани со проектот.

Целта на средбата е информациите поврзани со проектот да бидат споделени јавно, точно и непосредно, преку отворен разговор со граѓаните, со цел да се избегнат недоразбирања и непроверени информации.

ДПТУ „Бучим“ ДООЕЛ Радовиш останува посветен на отворен дијалог со локалното население и на транспарентно споделување информации од значење за заедницата.

• Покана за отворена средба со заинтересирани граѓани – МЗ Смаил Масуд с.Тополница